Ayat Tunggal

Ayat Tunggal

Ayat tunggal nya ayat ti ngundan siti klausa aja, lalu iya mega mai siti konstituen subjek enggau siti konstituen predikat. Nya alai, ayat tunggal, sama sebaka enggau ayat ti bukai endang tumbuh ari ayat pelasar. Enti diperatika ari chunto ti udah, dia pasuk ayat pelasar bisi konstituen subjek ti datai dulu ari konstituen predikat. Pasuk ayat tunggal endang sama sebaka enggau ayat pelasar, iya nya sama mai siti konstituen subjek enggau siti konstituen predikat.

Subjek	Predikat
Ajan	macha surat kabar.
Indai tuai nya	balat chakah.
Indai Jinit	ke Sibu pagi tadi.
Barak	benung ngansah duku.

Ba atas nya tadi sekeda ari chunto ayat tunggal. Dalam Jaku Iban, enda semua subjek ayat tunggal disempulang enggau predikat. Bisi bida ari aspek tusun iya nya predikat datai dulu ari subjek.  Pekara tu ulih diperatika ba ayat tunsang baka ke di baruh tu.

a)    i.  Ajan macha surat kabar.

ii. Macha surat kabar Ajan.

b)    i.  Indai tuai nya balat chakah.

ii. Balat chakah indai tuai nya.

c)    i.  Indai Jinit ke Sibu pagi tadi.

ii. Pagi tadi ke Sibu Indai Jinit.

d)    i.  Barak benung ngansah duku.

ii. Benung ngansah duku Barak.

Bida antara ayat tunggal enggau ayat pelasar iya nya semua ayat pelasar datai ari ayat penerang, tang ayat tunggal nya datai ari ayat tanya, ayat perintah, ayat tekenyit, enggau ayat ti bukai. Disimpulka, ayat pelasar enggau ayat tunggal sama ngundan siti konstituen subjek enggau konstituen predikat. Dua bengkah ayat tu dipeda sama tukuh enti diperatika ari ayat penerang. Taja pia, enti ayat tunggal ti betukuh ayat penerang berubah baka betukar endur subjek-predikat iya, dia ayat tunggal nya ukai ayat pelasar agi.

Ayat Pelasar

Ayat Pelasar

Ayat pelasar nya ayat ti nyadi pelasar ayat bukai dalam sesebengkah bansa jaku. Dalam Jaku Iban endang mayuh bendar bansa ayat baikka pandak tauka panjai. Semua ayat nya endang beduduk ari ayat pelasar ti nentuka mayuh macham pola. Pola langkar ayat nya tau mega dikumbai pola ayat pelasar. Ari pola ayat nya tadi tumbuh ayat bukai baka ayat tunggal, ayat kompleks, ayat panjai, ayat pandak, ayat aktif, ayat pasif enggau mayuh ayat ti bukai.

            Dalam jaku Iban, pola ayat pelasar ulih dibagi ngagai empat bengkah lalu bepanggai ba leman ti nyadi konstituen ayat iya nya konstituen subjek enggau predikat. Konstituen subjek suah diisi ngena frasa nama tang konstituen predikat diisi ngena empat bengkah leman ti bebida iya nya frasa nama, frasa pengawa, frasa adjektif enggau frasa jaku penempat. Empat bengkah leman pengisi konstituen predikat tu mih ke nyadi penumbuh empat bengkah pola ayat pelasar dalam jaku Iban.

Pola Ayat Pelasar Jaku Iban

Pola	Subjek	Predikat
Pola 1	Frasa nama Manggas	Frasa nama pengajar ba sekula nya.
Pola 2	Frasa nama Indai Rawing	Frasa pengawa nyumai asi.
Pola 3	Frasa nama Indu nya	Frasa Adjektif bajik amat.
Pola 4	Frasa nama Rumah kami	Frasa Jaku Penempat di Ulu Engkari.

            Ba chunto pola ayat pelasar baka ke ditunjukka nya, konstituen subjek enggau predikat ulih mai dua leka jaku tauka lebih. Konstituen mega ulih nyadi ari siti leka jaku aja. Enti disimpulka sekali, empat iti pola ayat pelasar nya tau dipeda baka tu:

Pola 1: Frasa Nama + Frasa Nama                (FN + FN)

Pola 2: Frasa Nama + Frasa Pengawa           (FN + FK)

Pola 3: Frasa Nama + Frasa Adjektif             (FN + FA)

Pola 4: Frasa Nama + frasa Jaku Penempat (FN + FJP)

Leka Jaku

Leka Jaku

Leka jaku tu konstituen bagi frasa. Leka jaku tu unit ti pemadu mit lalu iya ulih bediri kediri. Leka jaku tu enda ulih dibagi tauka dipechahka ngagai unit ti mit agi laban leka jaku tu endang betukuh meras sereta unit ti pemadu mit lalu ngembuan reti ke menyana. Taja pia, bisi sekeda raban jaku baka orang mayuh enggau baju burung enda ulih dikumbai leka jaku laban ulih dipechahka ngagai unit ti mit agi lalu mai fungsyen jalai jaku lalu nya tau dikumbai frasa. Nangkal ke nya mega, kitai mesti ingat leman baka di...ka, eng-, me...ka enggau ti bukai enda tau dikumbai kitai leka jaku laban leman ti baka tu enda ulih bediri kediri. Tiap leman nya endang bisi ngembuan fungsyen jalai jaku. Leman nya tadi dikumbai kitai morfem.

            Bepanggai ba fungsyen enggau bungkur guna iya dalam atur jalai jaku, dia tiap-tiap leka jaku tau diripih ngagai mayuh bengkah. Dalam jaku Iban mayuh bendar ripih leka jaku baka jaku nama, jaku pengawa, jaku adjektif enggau ripih jaku ti ukai batang leka jaku baka jaku penempat, jaku penyambung enggau ti bukai.

Jaku Penambah

PENAMBAH:

-          Iya nya tukuh ti ditawingka enggau urat jaku.

-          Dikumbai penanda reti

Penambah dalam nempa jaku:

Jaku nama :

i)              Penambah mua

1.     peN- (pe-, pem-, pen-, enggau peng-)

-          Tukuh laban faktor fonologi enggau pengerembai jaku.

(pe-)

-          Besakumka urat jaku bepun enggau m, n, ny….

Ø  makai- pemakai

Ø  niki- peniki

Ø  nyilup- penyilup

(pem-)

-          sakum urat jaku bepun enggau urup b lalu urup keterubah diluluhka.

Ø  macha- pemacha

Ø  beri- pemeri

(pen-)

-          sakum urat jaku bepun enggau d enggau t tang diluluhka.

Ø  datai- penatai

Ø  tinduk- peninduk

(peng-)

-          sakum urat jaku ti bepun enggau vokal

-          sakum urat jaku enggau dua patah sebut.

Ø  alus- pengalus

Ø  empu- pengempu

Ø  raja- pengeraja

2.     pe-

-          penanda reti orang tauka utai ti nerima ubah urat jaku tauka gaya.

-          Penanda reti orang ngereja pengawa.

-          Disakum enggau urat jaku lalu nadai ngubah munyi ba urat jaku nya.

Ø  Pe+sakit = pesakit

Ø  Pe+ kebun = pekebun

3.     Juru

-          Jaku injau ari orang bukai.

-          Nanggam reti orang landik ngereja pengawa.

Ø  Juru+bahasa = jurubahasa

Ø  Juru+wang = juruwang

ii)             Penambah selit

-          Ditentuka aspek morfologi

-          Sakum urat jaku ti bebida.

1.     -le

Ø  kemayang- kelemayang

2.     -ga

Ø  bigi- berigi

3.     -er

Ø  gempung- gerempung

Jaku pengawa

i)              Penambah mua

1.     Penganti pun m-, n-

-          Dikena nempa jaku pengawa aktif sekalika transitif tauka ukai transitif

Ø  bacha- macha

Ø  tepan- nepan

2.     Penambah ng-

-          Nerangka reti sesebengkah pngawa tauka chara pengawa dikereja.

-          Betawing enggau urat jaku ti bepun enggau vokal

Ø  Arau- ngarau

-          Betawing enggau urup k enggau g lalu mai reti transitif.

Ø  kait- ngait

3.     Penambah ny-

-          Nunjukka chara pengawa.

-          Mai reti mansik enggau neresa.

Ø  Chabut- nyabut

Ø  Sepi- nyepi

4.     Penambah be-

-          Betukuh ukai transitif

-          Ngereja ssbengkah pengawa enggau refleksyen

Ø  Tukar- betukar

Ø  Lalai- belalai

-          Manggum reti bebalas-balas

Ø  tikau- betikau-tikau

-          reti guna tauka ngena

Ø  kasut- bekasut

5.     Penambah di-

-          Nempa jaku pengawa pasif ti ngembuan subjek asal orang keitga.

Ø  nulis- ditulis

6.     Penambah dipe-

-          Nempa jaku pengawa pasif

Ø  nyadi- dipenyadi

7.     Penambah en-, em-, eng-

-          Nempa jaku transitif

8.     Penambah te-

-          Ditempa jaku pengawa transitif enggau ukai transitif

Ø  tukang- tetukang

9.     Penambah beke-

-          Nempa jaku pengawa ukai transitif

Ø  lengga- tebelengga

ii)             Penambah belakang

1.     - ka

-          Nempa jaku pengawa transitif ti datai dalam ayat transitif aktif dan pasif

Ø  beli- belika

iii)            Penambah kepit

-          Jaku pengawa transitif aktif ngena penambah kepit nge…ka, be…ka

Ø  ringat- Ngeringatka

Ø  panggal- bepanggalka

Jaku adjektif

i)              Penambah mua

1.     nge-

-          penerang kena bebanding

Ø  ngeninggi

2.     be-

-          Penerang madahka seraka

Ø  Bebandung

ii)             Penambah kepit

1.     ng-…ka

-          mai reti nunda

Ø  Ngenyinaka

AKRONIM

Keterubah iya nya jaku akronim ti ditempa ari besakumka urup keterubah beberapa leka jaku.

a.     IPGM- Institut Pendidikan Guru Malaysia

b.     PBB- Pampang Bumi Bersatu

c.     SIDS- Serakup Indu Dayak Sarawak

d.     PBP- Panggau Buluh Pengerindu

Kedua, sakum urup enggau patah sebut nitihka pengelentur sebut. Leka jaku tu enda ngemeratka tusun leka jaku.

a.     Proton- Perusahaan Otomobil Nasional

b.     Perhilitan- Perlindungan Liar Taman Negara

c.     PAKSI- Pakej Kewangan Untuk PKS

d.     PERDANA- Perpustakaan Digital Nasional

Ketiga, jaku akronim ti besakumka patah sebut ari pun leka jaku:

a.     jerpan- jerita pandak

b.     tadika- taman didikan kanak-kanak

c.     palanem- palan latih nembiak

d.     PERKESO- Pertubuhan Keselamatan Sosial

Kepenudi, sakum ari pun leka jaku keterubah tauka patah sebut keterubah enggau bagi-bagi bukai dalam dijir leka jaku:

a.     PERTAMA- Persatuan Wartawan Wanita Malaysia

b.     Purata- pukul rata