Kelas Jaku Iban

KELAS JAKU

Kelas jaku dalam jaku Iban ulih dibagi ngagai empat:

i.              JAKU NAMA (nyengkaum sekeda leka jaku ti ulih nyadi leman teras ba pasuk frasa nama ti selalu dikena nyebut orang, tempat tauka nama utai)

ii.             JAKU PENGAWA (nyengkaum sekeda urat jaku ti tau nyadi leman teras dalam pasuk frasa pengawa)

iii.            JAKU ADJEKTIF (mungkur sekeda jaku ti tau nyadi leman teras dalam pasuk frasa adjektif. Raban jaku adjektif nadai subraban ti nyengala tang iya tau dibagi ngagai semilan raban nitihka reti leka jaku ti disebut jaku adjektif)

iv.           JAKU TUGAS (raban jaku ti betukuh mayuh bengkah iya nya datai dalam raban ti bekeremit sereta bebida-bida tang taja pia iya bisi ngembuan tukuh ti sama)

TUKUH LEKA JAKU IBAN

Dalam jaku Iban mayuh chara nempa leka jaku. Pampang tukuh leka jaku tu dibagi ngagai enam bengkah tukuh iya nya;

              i.                 tukuh jaku tunggal,

             ii.                tukuh jaku tumbuh,

            iii.                tukuh jaku turu,

           iv.                Tukuh jaku betandu,

            v.                tukuh jaku bekaling subut enggau

           vi.                tukuh jaku puntang.

Chunto leka jaku ti betukuh tunggal iya nya badas, danji enggau bulan. Bisi mega leka jaku ti ditempa ari proses meri penambah baka berubat, awakka enggau betalatka. Kelimpah ari nya, leka jaku Iban mega bisi ditempa ari tukuh jaku turu baka tengah hari, beg sandik enggau betubuh bisi. Leka jaku  Iban mega bisi betukuh bekaling sebut baka kaya raja, indu lelaki, kaban belayan enggau bidik lansik. Enda tinggal mega, jaku Iban mega bisi betukuh jaku puntang. Ambika chunto baka enggi kita ti dipuntangka nyadi engkita enggau enggau kami ti dipuntangka nyadi engkami.